Башҡортостанда муниципаль инвестиция климаты рейтингы тәҡдим ителде

9 июндә Өфөлә республиканың район һәм ҡала хакимиәттәре башлыҡтарының семинары үтте. Сарала төбәктең муниципалитеттарында инвестиция мөхитен яҡшыртыу буйынса эш һөҙөмтәләре тикшерелде. Башҡортостан Башлығы Радий Хәбиров биләмәләрҙе үҫтереү өсөн инвестициялар йәлеп итеү мөһимлеген билдәләне. – Беҙ эшҡыуарҙар өсөн иң яҡшы инвестиция шарттары булдырыуҙы маҡсат итеп ҡуйҙыҡ. Яҡшы темптар менән хәрәкәт итәбеҙ тип иҫәпләйем, һуңғы йылдарҙа Милли рейтингтың алғы һыҙығында булдыҡ – былтыр Башҡортостан ил төбәктәре араһында өсөнсө урынды яуланы, тине Радий Хәбиров. - Шул уҡ ваҡытта беҙ һәр ваҡыт инвесторҙарҙы йәлеп итеүҙең “ерҙән”, муниципаль идара итеү командалары ҡатнашлығында башланыуын һыҙыҡ өҫтөнә алдыҡ. Бизнес - шәрифтәр урындағы кимәлдә ҙур эш башҡара. Уларға ярҙам итеү өсөн беҙ муниципаль стандартты тормошҡа ашырҙыҡ һәм даими яңыртып торабыҙ. Эш сәфәре менән Өфөлә булған Стратегик башланғыстар агентлығы генераль директорының беренсе урынбаҫары Игорь Карачин Башҡортостандың республикаға үҙ эшен асыусыларға, уны үҫтерергә теләүселәр менән ышаныслы мөнәсәбәттәр булдырыу буйынса һөҙөмтәле эшен билдәләне. — Муниципалитеттар теләһә ниндәй инвестор өсөн бәйләнеш нөктәһе булып тора. Ҡала һәм район башлыҡтары – төбәктең инвестиция сәйәсәтен алып барыусылар, – тине Игорь Карачин. — Башҡортостан АСИ менән әүҙем хеҙмәттәшлек итә, күп кенә проекттарҙа уңышлы ҡатнаша, инвестиция йәлеп итеүсәнлеген күтәреүгә йүнәлтелгән үҙ моделдәрен һәм юл карталарын формалаштыра. Һеҙҙең тәжрибә үҙ һөҙөмтәлелеген иҫбатланы һәм ҡабул ителгән ҡарарҙарҙы башҡа төбәктәргә таратыу өсөн ҡиммәтле ресурсҡа әйләнде. Иң яҡшы тәжрибә менән уртаҡлашырға теләү республиканың дәүләт идаралығы өлкәһендәге лидерлыҡ позицияһын раҫлай. Радий Хәбиров 2025 йылда республиканың тотороҡло үҫешен тәьмин иткән муниципалитеттарға рәхмәт белдерҙе. Фото: “Башинформ”