Isroil yaqin kunlarda Tehronga nisbatan “Dahiya doktrinasi”ni qo‘llashi mumkin. Bu nimasi bilan xavfli?
Dahiya doktrinasi harbiy strategiya bo‘lib, haddan tashqari kuch qo‘llashni, jumladan fuqarolik infratuzilmasiga ham zarbalar berishni ko‘zda tutadi. Uning asosiy maqsadlari quyidagicha:
– Kelajakda hujum qila olmasligi uchun dushmanga qaqshatqich talafot yetkazish.
– Fuqarolarga bosim o‘tkazib, ularni o‘z hukumatiga qarshi chiqishga undash.
– Harbiylar ijtimoiy obyektlarga yashiringanini aytib, qurolli guruhlarni ayblash.
Isroil qurolli kuchlari sobiq bosh qo‘mondoni Gadi Eizenkot bu yondashuvni quyidagicha izohlagan:
“Agar dushman raketasi bir qishloqdan uchirilsa — butun qishloq nishonga aylanishi mumkin”.
Xalqaro huquqqa ko‘ra, mazkur doktrina noqonuniy hisoblanadi. Boisi u kollektiv jazo sifatida malakalangan.
