“Росгвардия”ның йыр һәм бейеү фестивале асылды

Өфөлә “Росгвардия”ның йыр һәм бейеү ансамблдәренең “Мелодия на страже” фестивале асылды. Был әһәмиәтле ваҡиғаны Европа менән Азия сигендәге Урал һыртының көнбайышындағы республика беренсе тапҡыр ҡабул итте. Конкурстың 300-ҙән ашыу ҡатнашыусыһы Өфө халҡына һәм ҡунаҡтарға үҙ ижадын бүләк итергә тип йыйылды. Фестивалгә килгәндәрҙе милли гвардияның Үҙәк музейының күсмә күргәҙмәһе ҡаршы алды, унда тәртип һаҡлау ғәскәрҙәренең ижади традицияларының сығанаҡтары күрһәтелә. Бынан тыш, интерактив панелдәрҙә “Росгвардия” хәрбиҙәренең һәм хеҙмәткәрҙәренең махсус хәрби операцияла ҡатнашыуы ла сағылдырыла, шулай уҡ хәрби чекистарҙың Бөйөк Ватан һуғышының аҙағында һәм унан һуңғы йылдарҙа Советтар Союзының көнбайыш төбәктәрендә бандиттарҙы юҡ итеүе лә тасуирлана. Фестивалде тантаналы асыуҙа Башҡортостандың халыҡ артисы Дамир Тайыпов, Бөтә Рәсәй һәм республика конкурстары лауреаттары Земфира Рәшитова һәм Илнур Һибәтуллин, шулай уҡ республиканың “Салауат”, “Дива”, “Ренессанс” һәм “Забава” ижади коллективтары сығыш яһаны. Ҡатнашыусыларҙың һөнәри оҫталығына Рәсәй Федерацияһы милли гвардияһының Баш хәрби-сәйәси етәксеһе урынбаҫары полковник Дмитрий Бушуев, П.И.Чайковский исемендәге Мәскәү дәүләт конверваторияһының симфоник һәм хор дирижерлығы факультеты деканы Алексей Рудневский һәм башҡа мәҙәниәт һәм сәнғәт оҫталары баһа бирә. “Мелодия на страже” фестивале – беҙҙең хәрби хеҙмәткәрҙәрҙең рух көсөн һәм үҙ эшенә бирелгәнлеген күрһәтеү ул. Һеҙҙең ижад рухландыра, берләштерә һәм илһөйәрлек тәрбиәләүҙә мөһим булып тора”, – тине П.И.Чайковский исемендәге Мәскәү дәүләт консерваторияһының хор дирижерлығы кафедраһы профессоры Алексей Рудневский тәбрикләү телмәрендә. Алдағы көндәрҙе ижади коллективтарҙы хореографияла, инструменталь музыкала, авторлыҡ йырында, художестволы уҡыуҙа һәм соло йырында үҙ оҫталығын күрһәтеү бурысы көтә. Фото: “Меолодия на страже” фестивале сайты.