Ошо көндәрҙә Салауат районында аяныслы хәл булды. Райондың Бишәүҙәр ауылында ихатала торған ВАЗ-2107 автомобиле янып китә. Уның эсендә 15 һәм 13 йәшлек ике үҫмер ултырған була һәм малайҙар ныҡ итеп бешә. Һөҙөмтә аяныслы: 15 йәшлеге реанимацияла һәләк була. Һуңғараҡ уның кемлеге асыҡлана. 15 йәшлек Усман Х. сығышы менән Бишәүҙәр ауылынан, быйыл ул Арҡауыл мәктәбендә 9-сы класты тамамлаған. Туғандары уны “һәр эште яратҡан һәм бер ҡасан да ярҙамдан баш тартмаған яҡшы һәм изге күңелле малай” тип һүрәтләй. "Насар ғәҙәттәр булманы, әҙәпле. Уның киләсәккә пландары ҙур ине. 9-сынан һуң артабан уҡырға инергә, һөнәр алырға теләй, әммә уның ғүмере шундай аяныслы өҙөлә”, – тиҙәр уның тураһында. Усмандың тәне 80 процентҡа бешә. Туғандары янғындың сәбәбен белмәй. Күрше егет күреп ҡала һәм ҡысҡырып, табиптарҙы саҡыра. Малайҙың ата-әсәһе был саҡта эштә була. Хәбәр ителеүенсә, әсәһе – “Янғантау” шифаханаһында, ә атаһы Өфөлә эшләй. Ғәҙәттән тыш хәлдәр министрлығынан хәбәр итеүҙәренсә, һәләк булған малай