"Mensiz u saylovda yutqazgan bo‘lardi"
Ilon Mask va Donald Tramp o‘rtasida ziddiyat kelib chiqdi. Bunga Oq uy tomonidan ilgari surilgan soliq va davlat xarajatlariga oid islohotlarni o‘z ichiga oluvchi qonun loyihasi sabab.
Boisi u elektromobillar va yashil energetikaga imtiyozlarni bekor qilishni, neft-gaz sanoatiga subsidiyalarni saqlab qolishni nazarda tutadi. Tadbirkor bu federal xarajatlarni oshirib yuborishini ta'kidlab kelayotgandi. Donald Tramp uning bayonotlariga munosabat bildirgach, o‘rtada sovuqlik kelib chiqdi.
"Men bo‘lmaganida Tramp saylovda yutqazgan bo‘lardi, demokratlar Vakillar palatasini nazorat qilgan bo‘lardi, respublikachilar esa Senatda 51–49 natijani qo‘lga kiritgan bo‘lardi.
Shunaqa noshukrlik", — deb yozdi tadbirkor X (Twitter) tarmog'ida.
