Бөгөн Башҡортостан Башлығы Радий Хәбиров “Креатив индустриялар сәғәте” тәртибендә сираттағы кәңәшмә үткәрҙе. Унда Хөкүмәт ағзалары, муниципалитеттар башлыҡтары, юғары уҡыу йорттары етәкселәре, бизнес вәкилдәре, шулай уҡ федераль эксперттар ҡатнашты. Ижади индустрияларҙа кадрҙар ҡеүәтен үҫтереү сараның төп темаһы булды. “Беҙҙең төп бурыс – креатив индустриялар даирәһендәге башланғыстарға ярҙам итеү. Булышлыҡ саралары буйынса бөтә ҡарарҙарҙы махсус комитет ҡабул итәсәк”, – тине Радий Хәбиров. “Кратив иҡтисад” коммерцияға ҡарамаған акционерҙар йәмғиәте президенты Марина Монгуш Рәсәйҙәге был тармаҡтың әһәмиәте тураһында һөйләне. “Биш йыл элек беҙҙең илдә ижади иҡтисад күҙгә күренерлек түгел ине һәм ул күңел асыу сараһы һымаҡ ҡабул ителде. Бөгөн иһә был өлкә төбәктәр үҫешенә әүҙем йоғонто яһай”, – тине Марина Монгуш. Рәсәйҙең халыҡ артисы, Дон дәүләт техник университетының Креатив индустрия институты директоры Анита Цой белем биреү программаһының үҙенсәлектәре, белгестәр әҙерләү тураһында һ