Башҡортостан Республикаһы менән Малайзия фән һәм мәғариф өлкәһендә хеҙмәттәшлек итә башлай. Берлектәге проекттар тотороҡло үҫеш биләмәләрен үҫтереүгә һәм тәбиғәт мираҫын һаҡлауға йүнәлтелә. Башҡортостан делегацияһы Куала-Лумпур һәм Кота Кинабалу (Борнео утрауы) ҡалаларынан ҡайтты, унда һаҡланған территориялар менән идара итеүҙең уникаль тәжрибәһен өйрәнде. Яҡтар перспективаларҙы тикшерҙе һәм бер нисә килешеүгә ҡул ҡуйҙы. Башҡортостан Республикаһы Хөкүмәте Премьер-министрының беренсе урынбаҫары Урал Килсенбаев билдәләүенсә, фәнни-белем биреү башланғыстарын яҡлау төбәк өсөн өҫтөнлөклө үҫеш йүнәлештәренең береһе булып тора. – Беҙ дуҫ илдәрҙең халыҡ-ара партнерҙары менән хеҙмәттәшлекте үҫтерергә, уникаль тәбиғи һәм мәҙәни ресурстарҙы фәнни тикшеренеүҙәр һәм мәғариф өсөн файҙаланырға тырышабыҙ. Был республикабыҙҙа фәнде үҫтереүгә булышлыҡ итеүҙән тыш, Башҡортостан Республикаһының глобаль фәнни-мәғариф проекттарында әүҙем ҡатнашҡан төбәк булараҡ имиджын нығыта. Сәфәр һөҙөмтәһендә Вуз-ара кам