Эркээни ыһыаҕа -2025
Бүгүн бэс ыйын 14 күнүгэр, Улуу Кыайыы 80 сылыгар анаммыт улууспут ыһыаҕар, төһө да сөрүүн күн буоллар, үгүс көрөөччүлэрдээх, күүстээх «ыалдьааччылардаах» күрэстэр буоллулар.
Бииртэн биир күүстээх, быһыйтан таһыччы быһыйдар, халбас харата хапсаҕайдьыттар, нэһилиэктэрин үрдүк аатын көмүскүү кэлбиттэр.
Эркээни хочотугар, «Орто Дойду» туристическай-этнографическай комплекс сирин-уотун киэргэтиитинэн уолаттарга «Хаҥыл Боотурдар» «Сахалыы дэгит күрэс» ыытылынна.
Манна хара ааныттан бастыҥ бэлэмнээҕинэн, кыайыыга дьулуурдааҕынан Нөмүгү кэскиллээх ыччата, быйылгы үөрэх дьылыгар И.М. Яковлев аатынан 1-кы №-дээх орто оскуолатын 10 кылааһын үөрэнэн бүтэрбит Степан Шадрин буолла. Степа – «Үс төгүл үскэ», 400 м ыраахха сүүрүүгэ, мас тардыһыыга уонна хапсаҕайдаһан тустууга эрэллээхтик бастаата. Онтон «Тутум эргииргэ» 3 миэстэни ылла.
Сиhилии: https://ханаласгазета.рф/erkeeni-yhya5a-2025/
Уйбаан УЙГУУРАП, ааптар хаартыскаҕа түһэриитэ уонна видеоҕа устуута.
