6 июндә Мәскәүҙә Үҙәк Азияның һәм Рәсәйҙең 30-ҙан ашыу ҡалаһын үҙ эсенә алған "Евразия йөрәгенә сәйәхәт" халыҡ-ара гуманитар-эшлекле инициативаһы башланды. 51 көн дауам итәсәк экспедиция сиктәрендә ҡатнашыусылар 8 000 саҡрымдан ашыу юл үтәсәк, шул иҫәптән Рәсәй, Тажикстан, Ҡаҙағстан, Ҡырғыҙстан, Үзбәкстан төбәктәрендә буласаҡ, фән, бизнес, мәҙәниәт, медиа өлкәләрендә тиҫтәләгән сара үткәрәсәк. Экспедицияға "Халыҡ-ара төбәк интеграцияһы үҙәге" коммерцияға ҡарамаған ойошмаһының генераль директоры, Рәсәй Сауҙа-сәнәғәт палатаһы ҡарамағындағы Рәсәй-Тажик Эшлекле советы рәйесе Ислам Замир улы Назаралиев етәкселек итә. Экспедиция составына Рәсәй, АҠШ, Финляндия, Тажикстан, Ҡаҙағстан, Перу, Германиянан бизнесмендар, ғилми берләшмә вәкилдәре һәм блогерҙар инә. 14 июндән 17-һенә тиклем экспедиция Башҡортостан Республикаһында була. Унда ҡатнашыусылар менән киң эшлекле программа планлаштырылған. "Туризм: төбәктең мәҙәни кодын асабыҙ" панель сессияһы, килешеүҙәргә ҡул ҡуйыу тантанаһы, төрлө тематик