“Йәй башы, мәктәптәрҙә һәм юғары уҡыу йорттарында - иң ҡыҙыу мәл. Сығарылыш уҡыусылары Берҙәм дәүләт имтиханы тапшырҙы, юғары уҡыу йорттары ҡабул итеү кампанияһына әҙерләнә. Йыл һайын уҡыусыларҙың белем кимәле күтәрелеүен күреү ҡыуаныслы. Әлегә Берҙәм дәүләт имтиханының бөтә һөҙөмтәләре лә юҡ, әммә аралаш һөҙөмтәләр ҡыуандыра. Химия буйынса имтиханды 68 кеше 100 балға тапшырҙы, тағы ла 730-ы 80-дән балл йыйҙы, был бик юғары күрһәткес. Тарих буйынса – өс, әҙәбиәттән бер уҡыусы 100 балл йыйыуға өлгәште, ә 80 балдан күберәк йыйғандар – 280-дән ашыу кеше. Техник һәм тәбиғи-фәнни дисциплиналарҙы һайлаған һәм инженер һөнәрҙәренә инергә ниәтләгән сығарылыш уҡыусылары һаны арта. Был юғары белемле белгестәрҙең хеҙмәт баҙарындағы ихтияжына тулыһынса тап килә. Хәҙер беҙҙең бурыс – ошо һәләтле балаларҙы республика университеттарына уҡырға индереү. Төбәк менән етәкселек итеүенең тәүге көндәренән үк Радий Фәрит улы быға күп тапҡыр иғтибар йүнәлтте. Уның Указына ярашлы, бишенсе йыл инде имтиханды 10