Ытык мааны биир дойдулаахтарым!
Урдук Урун Айыылары айах тутан айхаллыыр, самаан сайыны уруйдуур ыhыах ыhар күүтүүлээх күндү күммүт тиийэн кэлбитинэн улуус дьокутааттарын Сэбиэтин аатыттан, уонна тус бэйэм ааппыттан э5эрдэлиибин!
Улууспут дьоно-сэргэтэ томороон тымныылаах кырыа кыһыны этэҥҥэ туораан, күөрэгэй чыычаахпыт дьурулата туойар, сыспай сиэллээхпит, хороҕор муостаахпыт күөх окко үктэммит кэмигэр, самаан сайыммытын көрсөр, өбүгэлэрбит үгэстэринэн Аар айылҕабытыгар сүгүрүйэр, уйгуну-быйаҥы түстүүр кэрэ-бэлиэ күммүт үүннэ. Биһиги өбүгэлэрбит үтүмэн үйэлэри уҥуордаан, былыр-былыргыттан Саха ыһыаҕын, олоҥхотун кэс тыл оҥостон бэлэх ууммуттара.
Ону биһиги кэнчээри ыччаттарбытыгар тириэрдэр ытык иэстээхпит.
Уйгулаах Ыhыахпыт кэскили кэрэhэлээтин, улэhит дьон ситиhиитин ситимнээтин, кэнчээри ыччат инникитин тустээтин, ойу-санааны мунутуурдук сайыннардын, дьолу-соргуну а5аллын!
Улуус дьокутааттарын Сэбиэтин бэрэссэдээтэлэ Анатолий Антонов.
