Башҡортостан етәксеһе Радий Хәбиров Китап байрамын асыу тантанаһында ҡатнашты. Халыҡ-ара йәрминкәгә 270 нәшриәт, китап магазиндары, букинистар, яҙыусы, сәнғәт һәм йәмәғәт эшмәкәрҙәре килде. Улар – Рәсәй субъекттары һәм Беларусь, Ҡаҙағстан һәм Иран илдәренән. Республика етәксеһе менән форум ҡунаҡтары күргәҙмәләрҙе ҡараны. Үҙәк майҙансыҡта Радий Хәбиров өфөләрҙе һәм баш ҡала ҡунаҡтарын йәрминкә башланыу меннә ҡотланы, дәүләт наградаларын тапшырҙы. – Фестивалде башлағанда, ул яңы әҫәрҙәр тыуыуына этәргес булһын, тигән ниәттән сығып эш иткәйнек. Уҡыуға ҡарата ҡыҙыҡһыныу уятыу ҙа – мөһим бурыс, сөнки китап, ысынлап та, иң яҡшы дуҫ. Ул белем сығанағы, әхлаҡ нигеҙе, – тине Башҡортостан Башлығы. Рәсәй Китап союзы президенты Сергей Степашин йәмғиәттә тәрбиә өлкәһендә, илдең үҫешендә китаптың роле ҙур булыуын билдәләне. – Рәсәй Китап союзы “Рәсәйҙең әҙәби флагманы” тигән конкурс идеяһын тәҡдим иткәйне. Уҙған йылда был статусты Башҡортостан алды, - тине ул. – Китап байрамы – ғәжәп сара, бында күп