29 майҙа Өфө районының Шамонин ауылында фажиғә теркәлде. Урында 11 йәшлек малай һәләк булды. Республика прокуратураһы мәғлүмәттәре буйынса, авария көндөҙгө 13:00 сәғәттә теркәлгән. Юлдың ситендә велосипедта китеп барған малайҙы "Киа Спектра" машинаһы бәрҙерә. Автомобилдең руле артында ошо ауылда йәшәгән 56 йәшлек ир була. Бала тәүҙә капотҡа бәрелә, ә һуңынан ситкә сығып оса. Машина ла юлдан ситкә төшөп китә. Һөҙөмтәлә малай ваҡиға урынында уҡ йән бирә. - Бала туғандарына ҡунаҡҡа Баймаҡ районынан килгән булған. Водитель әйтеүенсә, бер йүнәлештә китеп барған саҡта малай ҡапыл һулға боролоп, автомобиль тәгәрмәстәре аҫтында ҡала, - тип хәбәр итә Дәүләт автоинспекцияһының матбуғат хеҙмәте. "КП-Өфө" яҙыуынса, малай атаһы менән бергә Баймаҡта йәшәгән була. Ир уны яңғыҙы тәрбиәләгән, сөнки күптән түгел тормош иптәше яҡты донъяларҙан китеп барған. - Баланың атаһы шок хәлендә, - тигән "КП-Өфө"гә малайҙың инәһе. 11 йәшлек малайҙы ерләүҙе ойоштороуҙы атаһының туғандары, шулай уҡ Шамонин ауылы халҡ