Бишкекте Кыргызстандын биринчи вице-премьер-министри Данияр Амангельдиев жана Афганистандын өнөр жай жана соода министри Нуриддин Азизи эки тараптуу кызматташууну чыңдоо, соода-экономикалык байланышты кеңейтүү маселелерин талкуулашты.
🇰🇬 Кыргызстан Афганистан менен эки тараптуу мамилелерди бекемдөөгө чоң маани берет жана бул өлкөдө туруктуулукту регионалдык коопсуздуктун маанилүү фактору катары карайт.
🤝 Кыргызстан Афганистандын учурдагы бийлигинин өлкөдөгү кырдаалды турукташтыруу аракеттерин колдойт жана афган элинин өз келечегин өз алдынча аныктоо укугун урматтайт.
🌍 Бишкек Афганистанда тынчтык жана туруктуулукту камсыз кылууга багытталган эл аралык жана регионалдык демилгелерге активдүү катышууда.
🤝 Афганистандын өнөр жай жана соода министри Нуриддин Азизи кыргыз тарапка колдоосу үчүн ыраазычылык билдирип, достук жана өз ара колдоо рухунда эки тараптуу кызматташтыкты өнүктүрүүгө даяр экенин белгиледи.
💼 Тараптар соода-экономикалык кызматташтыкты кеңейтүү маселелерин, анын ичинде кыргыз продукциясын, айыл чарба товарларын, текстиль, машиналар жана жабдууларды Афганистан рыногуна экспорттоону талкуулашты.
🔗 Жолугушуунун аягында тараптар кыргыз-афган кызматташтыгын өнүктүрүүгө багытталган демилгелерге мындан ары да ар тараптуу колдоо көрсөтүүгө даяр экенин баса белгилешти.