Бишкекте Токтоналиев көчөсүндө 1 чакырымдык жаңы жол курулууда. Жолдун туурасы 15 метр, эки тарабында 3 метрлик тротуарлар. Жолду августка чейин бүткөрүү пландалууда.
🚧 Бишкекте Токтоналиев көчөсүндө узундугу 1 километр болгон жаңы автожолдун курулушу улантылууда.
🛣 Жолдун туурасы 15 метрди түзүп, эки тарабында 3 метрлик тротуарлар каралган.
🔧 Жер иштери аяктап, асфальтка негиз даярдалган. Жолдун бордюрлары жана суу өткөрүүчү түтүктөр орнотулду.
🏗 Асфальт-бетон каптоо эки катмардан турат: биринчи катмар 7 см, экинчи катмар ЩМА технологиясы менен 6 см.
👷♂️ Курулуш иштеринин мөөнөтүндө аякташы үчүн керектүү атайын техника жана квалификациялуу адистер тартылган. Бардык курулуш материалдары подрядчик компаниянын өз базасында өндүрүлөт, бул үзгүлтүксүз камсыздоону жана сапатты көзөмөлдөөнү камсыз кылат.
🚦 Долбоор Бишкектин транспорттук инфраструктурасын жакшыртууга жана жол кыймылынын коопсуздугун жогорулатууга багытталган.