Мөһим республика программаларын тормошҡа ашырыу темптары һаҡланған

29 майҙа Башҡортостан Башлығы Радий Хәбиров республиканың етенсе саҡырылыш Дәүләт Йыйылышы - Ҡоролтайҙың 23-сө ултырышында ҡатнашты. Төбәктең ер һәм мөлкәт мөнәсәбәттәре министры - БР Хөкүмәте Премьер-министры урынбаҫары Наталья Полянская дәүләт милкен хосусилаштырыу һөҙөмтәләре тураһында доклад менән сығыш яһаны. Башҡортостандың финанс министры вазифаһын башҡарыусы Светлана Малинская үҙенең докладында республиканың 2024 йылға тупланма бюджеты үтәлеше тураһында хәбәр итте. Мәҫәлән, һалым һәм һалым булмаған килемдәрҙең дөйөм күләме 299,8 миллиард һум, ә сығымдар 317,9 миллиард һум тәшкил итә. Сығымдар структураһында социаль йүнәлеш һаҡланған. Был маҡсатҡа 231 миллиард һум йүнәлтелде, был милли проекттарҙы, шулай уҡ мөһим республика программаларын тормошҡа ашырыу темптарын һаҡлап ҡалырға мөмкинлек бирҙе. Республиканың Контроль-иҫәп палатаһы рәйесе Константин Шаһиморатов, Башҡортостандың бурыс йөкләмәләре буйынса ваҡыты үткән бурысы юҡ, ә төбәк бюджеты дефициты күләме Рәсәй бюджет кодексында билдәләнгән сикләүҙәрҙән артмай, тип билдәләне. Фото: glavarb.ru/ru.