Адыгэ чlыпlэцlэшlэныгъэр: Хьакурынэхьаблэ 1энэ хъурае щырек1ок1ыгъ

Адыгэ чlыпlэцlэшlэныгъэр: Хьакурынэхьаблэ 1энэ хъурае щырек1ок1ыгъ

Жъоныгъуак1эм и 28-м зэлъашlэрэ бзэшlэныгъэлэжьэу, филологие шlэныгъэхэмкlэ докторэу, профессорэу, Адыгэ Республикэм шlэныгъэмкlэ изаслуженнэ Іофышlэу Мэрэтыкъо Къасимэ Хьамосэ ыкъор къытхэтыгъэмэ илъэс 90-рэ хъущтыгъэ. А мафэм ехъулlэу Гуманитар ушэтынхэмкlэ адыгэ республикэ институтэу Кlэрэщэ Тембот ыцlэ зыхьрэм бзэшlэныгъэмкlэ икъутамэрэ, Шэуджэн псэупlэ зэхэтхэмкlэ гупчэ тхылъеджэпlэ системэмрэ зэхащагъ lэнэ хъурае :«Адыгэ чlыпlэцlэшlэныгъэр: непэ изытет, инеущырэ маф».

Мэрэтыкъо Къасимэ 1935-рэ илъэсым мэкъуогъум и 6-м къуаджэу Хьакурынэхьаблэ къыщыхъугъ. Анахьэу ш1эныгъэлэжьым ыцlэ зыгъэlугъэр адыгэ ономастикэм иугъоин, изэхэфын ехьылlагъэу иlэ Іофшlагъэхэр арых. lофшlэгъэшхоу «Адыгэ топонимическэ гущыlалъ» зыфиорэр 1981-рэ илъэсым къыдигъэкlыгъ.

Республикэ lэнэ хъураер шlуфэс гущыlэкlэ къызэlуихыгъ ыкlи зэрищагъ филологие шlэныгъэхэмкlэ докторэу, ГУАРИ -м иlэшъхьэтеты шlэныгъэмкlэ игуадзэу Биданэкъо Марзият.

lофтхьабзэм хэлэжьагъэх филологие шlэныгъэхэмкlэ докторэу, Гуманитар

ушэтынхэмкlэ Адыгэ республикэ

институтэу Кlэрэщэ Т.М. ыцlэкlэ щытым бзэшlэныгъэмкlэ иотдел иофышІэ шьхьаlэу, шlэныгъэхэмкlэ Адыгэ дунэе академием иакадемикэу Бырсыр Батырбий, филологие шlэныгъэхэмкlэ докторхэу, кандидатхэу, Гуманитар ушэтынхэмкlэ Адыгэ республикэ институтэу Кlэрэщэ Т.М. ыцlэкlэ щытым щылажьэхэрэр, Шэуджэн районым инароднэ депутатмэ я Совет итхьаматэу Мэрэтыкъо Аслъан, культурэм игъэlорышlапlэ иlэшъхьэтетэу Къэрэбэт Айдамыр.

Лъэпкъым фэлэжьэгъэ зэлъашlэрэ шlэныгъэлэжьэу Мэрэтыкъо Къасимэ ищыlэныгъэрэ итворческэ гъогурэ игъэкlотыгъэу къатегущыlагъ филологие шlэныгъэхэмкlэ кандидатэу, ГУАРИМ-м бзэмкlэ икъутамэ ишlэныгъэлэжь нахьышъхьэу Атэжьахьэ Сэйхьат.

Зэlукlэм упчlэ гъэшlэгъонэу щызэхафыгъэр бэ. Зытегущыlагъэхэм ащыщ адыгабзэм иегъэджэнкlэ ыкlи изегъэушъомбгъугъэнкlэ джырэ уахътэм кlэу къыздихьыхэрэ упч1эхэр, ныдэлъфыбзэм икъэухъумэн, адыгэ чlыпlэцlэ гущыlaлъэу щыlэхэм язытет. Ахэм язэшIохынкIэ институтым иIофышIэхэр IэпыIэгъу зэрафэхъун алъэкIыщтхэм арыгущыIагъэх.

#Шовгеновскийрайон #новости #ЕИЦ