Бөгөн Әбйәлил районы дотациялана һәм күп йәһәттән үҙенең етештереү үҙәге ММК менән Магнитогорскиға яҡын булыуы арҡаһында ғына йәшәй. Прогрессив фекерләүсе Әбйәлил районы халҡы ҡасандыр ауыл хужалығы биләмәһенең бөгөн ошо тармаҡҡа ғына таяна алмауын билдәләй: климат шарттары тигеҙ үҫешергә мөмкинлек бирмәй, йәш кадрҙар эшкә килмәй, эре ауыл хужалығы предприятиелары ла юҡ. Ә һуңғы йылдарҙа иғтибарҙы йәлеп иткән туризм ныҡлап үҫешеп китә алмай: йәнә климат шарттарына бәйлелек был тармаҡты тулыһынса үҫтерергә мөмкинлек бирмәй. Шуға күрә яңы инвесторҙың килеүе бар яҡтан райондың киләсәге өсөн файҙа. Быны бөтә әбйәлилдәр ҙә яҡшы аңлай, шулай ҙа уларҙа ла тыуған еренең, тәбиғәттең экологик именлеге өсөн борсолоу тойғоһо ҡала. “Әбйәлил – үҫеш төбәге” сараһы барышында сығыш яһаусыларҙың барыһы ла буласаҡ инвесторҙың эшенең бөтә этаптарында ла ғәмәлдәрен аныҡ контролдә тотоу кәрәклеген билдәләне һәм күҙәтеү советы булдырырға тәҡдим итте. Үҙҙәренең фекерҙәре менән Әбйәлил районы муниципаль сове