Алматы шаарындагы Кыргыз Республикасынын Башкы консулдугунун колдоосу менен Ош шаарынын мэриясы менен Шымкент шаарынын акиматынын ортосунда кызматташуу боюнча Жол картасынын кол коюу аземи болуп өттү. Бул документ экономикалык, маданий жана билим берүү тармагындагы байланыштарды кеңейтүү, шаардык башкаруунун санариптештирүү жаатындагы тажрыйба алмашуу, инфраструктураны өнүктүрүү жана муниципалдык кызмат көрсөтүүлөрдүн сапатын жогорулатуу боюнча негизги багыттарды аныктайт.
🎉 Ош жана Шымкент шаарларынын ортосундагы кызматташтыкты өнүктүрүү максатында 2025-2028-жылдарга Дорожная картага кол коюлду.
🤝 Бул иш-чара Ош шаарынын биринчи вице-мэри Шаршеналы уулу Адилет жана Шымкент шаарынын биринчи вице-акими Куаныш Асыловдун катышуусунда өттү.
🌐 Документ экономикалык, маданий-гуманитардык жана билим берүү байланыштарын кеңейтүү, санариптештирүү, инфраструктураны өнүктүрүү жана муниципалдык кызмат көрсөтүүлөрдүн сапатын жогорулатуу боюнча тажрыйба алмашуу сыяктуу негизги багыттарды аныктайт.
🚀 Дорожная картага кол коюу эки шаардын ортосундагы кызматташууну чыңдоонун маанилүү кадамы болуп, биргелешкен долбоорлорду ишке ашырууга, тажрыйба алмашууга жана ишкердик менен туризмди өнүктүрүүгө шарт түзөт.
👥 Шаршеналы уулу Адилет бул демилгени эки достук шаардын ортосундагы практикалык кызматташтыктын куралы катары баалады.
🌟 Куаныш Асылов пландаштырылган иш-чаралардын муниципалдык түзүмдөрдүн өз ара аракеттенүүсүн жогорулатып, эки тараптын жашоочуларына пайда алып келерин белгиледи.
🔗 Тараптар Дорожная картанын ишке ашырылышы Ош жана Шымкент шаарларынын ортосундагы өнөктөштүктү мындан ары тереңдетүүнүн туруктуу негизи болоруна ишенимин билдиришти.