Башҡорт микрокредит компанияһының баҡса үҙәгенә биргән бер миллион һум аҡсаһы эшҡыуарға кәрәкле материалдар һатып алыу, продукцияһын күрһәтеү өсөн реклама кампанияһын планлаштырыу мөмкинлеген биргән. Ярҙам сараһы “Һөҙөмтәле һәм конкурентлы иҡтисад” милли проекты бурыстарына ярашлы тормошҡа ашырылды, тип хәбәр иттеләр республиканың Эшҡыуарлыҡ һәм туризм министрлығынан. – Төбәгебеҙҙәге ауыл хужалығы тармағының төп үҙенсәлектәренең береһе – матди ресурстар менән аҙыҡ-түлектең хаҡтарының тура килмәүе, улар араһындағы өҙөклөк. Нәҡ дәүләт булышлығы – микрокредиттар биреү, субсидия менән тәьмин итеү – йүнселдәргә өҫтәмә хеҙмәт урындары булдырыу, эшмәкәрлеген киңәйтеү өсөн кәрәкле ресурстар табыу мөмкинлеген биреп, аграр секторҙың үҫешенә этәргес бирә, – тип билдәләне республиканың эшҡыуарлыҡ һәм туризм министры Зөһрә Гордиенко. Башҡорт микрокредит компанияһының ярҙамын алған Людмила Дымованың предприятиеһы Шишмә районында урынлашҡан. Ул баҡса үҙәген урындағы халыҡты сифатлы баҡса материалдары