Бүгүн Садыр Жапаров "Ата-Бейит" комплексинде мамлекеттик чек араны коргоодо курман болгон аскерлерге арналган эстеликти ачуу аземине катышты. Иш-чарада гүлчамбар коюлуп, куран окулду.
🇰🇬 Кыргыз Республикасынын Президенти Садыр Жапаров бүгүн, 28-майда, «Ата-Бейит» улуттук тарыхый-мемориалдык комплексинде мамлекеттик чек араны коргоодо каза болгон аскер кызматкерлерине арналган эстеликтин ачылыш аземине катышты.
🪖 Садыр Жапаров менен бирге Кыргыз Республикасынын Министрлер кабинетинин төрагасынын орун басары — Улуттук коопсуздук мамлекеттик комитетинин төрагасы Камчыбек Ташиев жана башка расмий адамдар катышты.
🎶 Эстеликтин жабуусу ачылгандан кийин Кыргыз Республикасынын Мамлекеттик гимни аткарылды. Катышуучулар мемориалга гүл коюп, каза болгондорду бир мүнөттүк унчукпай туруу менен эскеришти.
🔫 Андан соң үч жолу ок атылды. Глава мамлекет чек араны коргоодо курман болгон аскер кызматкерлерин эскерүү үчүн орнотулган эстеликке гүл койду.
🙏 Жыйынтыгында Садыр Жапаров баатырлардын жакындары менен баарлашып, алардын эрдиктери кыргыз элинин эсинде түбөлүк сакталат деп белгиледи.