Бишкекте "Ала-Арча" мамлекеттик резиденциясында ЖККУга мүчө мамлекеттердин коргоо министрлер кеңешинин жыйыны башталды. Жыйындын жүрүшүндө аскердик коопсуздук коркунучтары жана уюмдун аскердик өнүгүү маселелери талкууланат.
🛡️ Бишкекте “Ала-Арча” мамлекеттик резиденциясында Жамааттык коопсуздук келишими уюмуна (ЖККУ) мүчө мамлекеттердин коргоо министрлер кеңешинин кезектеги жыйыны башталды.
🤝 Жыйын кол алышуу жана ЖККУга мүчө өлкөлөрдүн коргоо министрлеринин жалпы сүрөткө түшүүсү менен башталды. Андан соң министрлер тар форматтагы сүйлөшүүлөр өтө турган залга өтүштү.
🗣️ Жыйын Кыргыз Республикасынын коргоо министри Руслан Мукамбетовдун төрагалыгы астында өтүп жатат.
🛡️ Бүгүнкү сүйлөшүүлөрдө катышуучулар ЖККУнун коопсуздук аймактарындагы аскердик коопсуздук чакырыктары жана коркунучтары, ошондой эле уюмдун аскердик аспектилерин өнүктүрүү маселелерин талкуулашат.
🤝 Жыйындын жүрүшүндө ЖККУнун коргоо органдарынын жетекчилери ортосунда бир катар эки тараптуу жолугушууларды өткөрүү пландалууда.