Бишкекте ОДКБнын Коргоо министрлер кеңешинин жыйыны өтүп, ОДКБнын аскердик кызматташтыкты өнүктүрүү планы, коопсуздукка коркунучтар жана аскердик кызматташтык маселелери талкууланды.
🛡️ Бишкекте Кыргыз Республикасынын коргоо министри Руслан Мукамбетовдун төрагалыгы астында ЖККУнун Коргоо министрлер кеңешинин жыйыны өттү.
🌍 Жыйынга ЖККУнун башкы катчысы Имангали Тасмагамбетов жана Бириккен штабдын начальниги Андрей Сердюков катышты. Жыйындын жүрүшүндө башкы катчы коопсуздукка болгон чакырыктар жана коркунучтар тууралуу маалымат берди.
📜 Жыйындын пленардык бөлүгүндө ЖККУнун аскердик күчтөрүн башкарууну өркүндөтүүгө багытталган документтер каралды. Министрлер тарабынан 2026-2030-жылдарга ЖККУга мүчө мамлекеттердин аскердик кызматташтыгын өнүктүрүү планы макулдашылды.
🤝 Бул план ЖККУнун Бириккен штабы жана Секретариаты тарабынан мүчө мамлекеттердин коргоо ведомстволору менен биргеликте иштелип чыккан. Анын негизги багыттары: ЖККУнун аскердик компоненттерин өнүктүрүү, заманбап курал-жарактар менен жабдуу, башкаруу системаларын өркүндөтүү жана аскердик-экономикалык кызматташтыкты өнүктүрүү.
📅 ЖККУнун Коргоо министрлер кеңешинин чечими менен 2026-жылга карата биргелешкен даярдык планы жана методикалык сунуштар бекитилди. Бул чаралар ЖККУнун аскердик коопсуздук системасын чыңдоого багытталган.