Башҡортостан Республикаһының Стәрлетамаҡ ҡалаһында 8-10 августа "Туризм һәм ҡунаҡсыллыҡ" милли проекты маҡсаттарына ярашлы бишенсе тапҡыр "Купец 2.0" ҡунаҡсыллыҡ фестивале үтәсәк, тип хәбәр итә ҡала округы хакимиәтенән. Ҡатнашыусыларҙы концерт номерҙары, интерактив майҙансыҡтар, балалар программаһы, саҡырылған артистарҙың сығыштары көтә. Төп майҙансыҡ йола буйынса XX быуат башына тиклем сауҙагәр йәрминкәләре үткәрелгән тарихи урын булған Салауат Юлаев майҙаны буласаҡ. Унда биҙәүселәр XIX быуат стилендә сауҙа рәттәре, арбалар, сауҙагәрҙәр билдәләре менән фотозоналар буласаҡ, уезд ҡалаһы мөхитен яңынан тыуҙырасаҡ. Ҡунаҡтарҙы сауҙагәр кейемендәге артистар, сауҙагәр ҡатындары һәм сауҙагәрҙәр ҡаршы аласаҡ. Шулай уҡ ҡул эштәре йәрминкәһе ойоштороласаҡ, унда Рәсәйҙең төрлө төбәктәренән һәм БДБ илдәренән килгән иң яҡшы оҫталар үҙҙәренең продукцияһын тәҡдим итәсәк. "Беҙ фестиваль айырыуса бай һәм йәнле булһын өсөн тырышасаҡбыҙ. Беҙҙең төбәктә йәшәгән халыҡтарҙың фольклор йолаларын асасаҡбыҙ. Һәр килгән ҡунаҡтың Башҡортостан Республикаһы тарихы һәм мәҙәниәте менән һуғарылыуын, бында йәшәгән халыҡтарҙың йырҙарын ишетеүен, ҡул эштәрен күреүен, халыҡ ғөрөф-ғәҙәттәре, мәҙәни мираҫы йөрөткән ҡиммәтте тойоуын теләйбеҙ. Был дуҫлыҡ, ихтирам һәм татыулыҡ байрамы буласаҡ, — ти Стәрлетамаҡ хакимиәте башлығы Эмиль Шәймәрҙәнов. "Туризм һәм ҡунаҡсыллыҡ"(национальный проект «Туризм и гостеприимство») милли проекты инфраструктураны үҫтерергә, ҡорамалдар етештерергә, тармаҡ өсөн кадрҙар әҙерләргә һәм Рәсәйҙә лә, сит илдәрҙә лә сәйәхәт итеүгә булышлыҡ итергә ярҙам итә. Туристар сифатлы хеҙмәтләндереү һәм шәп тәьҫораттар ала, ә бизнесҡа дәүләт ярҙамы күрһәтелә. Былар барыһы ла сәйәхәттәрҙе уңайлы, хәүефһеҙ һәм ҡыҙыҡлы итә. Яңыртылған милли проекттар Рәсәй Федерацияһы Президенты Владимир Путиндың ҡарары буйынса 2025 йылдан тормошҡа ашырыла. Фото: Стәрлетамаҡ ҡала хакимиәте сайтынан