Бишкекте Кыргызстандын тышкы иштер министри Жээнбек Кулубаев менен Эл аралык миграция уюмунун башкы директору Эми Поуп жолугушуп, миграцияны башкаруу жаатында кызматташууну талкуулашты. Миграцияны жеңилдетүү үчүн санариптик технологияларды колдонуу жана мигранттар үчүн колдоо программаларын кеңейтүү маселелери каралды.
🇰🇬 Бишкекте Кыргызстандын Тышкы иштер министри Жээнбек Кулубаев менен Эл аралык миграция уюмунун (МОМ) башкы директору Эми Поуптун жолугушуусу болуп өттү. Жолугушууда министр МОМ тарабынан Кыргызстанга көрсөтүлүп жаткан колдоону жогору баалады.
🤝 Министр миграцияны башкарууну жакшыртуу үчүн кабыл алуучу өлкөлөр менен диалогду күчөтүү, мыйзамдуу миграция коридорлорун ачуу жана заманбап санариптик технологияларды киргизүү боюнча кызматташууну улантуунун маанилүүлүгүн белгиледи.
🏢 МОМ тарабынан мигранттар үчүн алдын ала даярдоо жана реинтеграция борборун түзүүгө көрсөтүлгөн жардам үчүн ыраазычылык билдирилди. Ошондой эле, Баткен, Ош жана Жалал-Абад облустарында кайтып келген эмгек мигранттарына өз бизнес долбоорлорун баштоого көмөктөшүү максатында ишке ашырылып жаткан “Мекеним 1+1” пилоттук программасын кеңейтүү маанилүү экени айтылды.
🤝 Эми Поуп МОМдун ишине берилген жогорку баа үчүн ыраазычылык билдирип, Кыргызстан менен миграцияны башкаруу жаатында кызматташууну тереңдетүүгө жана улуттук миграция саясатын ишке ашырууда техникалык колдоо көрсөтүүнү улантууга даяр экенин тастыктады.
📅 Тараптар 2023-2025-жылдарга карата МОМ жана КР ТИМдин биргелешкен иш планынын алкагында, Кыргызстандын жарандарына чет өлкөдө консулдук кызматтарды алыстан алууга мүмкүндүк берүүчү “Электрондук консул” маалымат системасын түзүү сыяктуу ийгиликтүү кызматташтыкты белгилешти.