Астана қаласында 7–8-сынып оқушыларына арналған жалпы білім беретін пәндер бойынша республикалық олимпиаданың қорытынды кезеңі ұйымдастырылған болатын. Бұл білім додасында біздің аймақтың командасы тарихи жетістікке жетіп, республикалық деңгейде үлкен серпіліс жасады.
Олимпиадаға облыстан 22 оқушы қатысты. Оның ішінде оны – жаратылыстану-математикалық, ал 12-сі – қоғамдық-гуманитарлық бағыт бойынша сынға түсті. Нәтижесінде он бес оқушы жүлдегер атанып, өңір намысын лайықты қорғады. Оның ішінде Алтын медаль иегерлері: Әуесхан Әдиат – 7-сынып, Н.Нұрмақов атындағы мамандандырылған мектеп-лицей-интернаты (география); Габдолла Асқар – 8-сынып, №1 «Білім-Инновация» лицей-интернаты (қазақ тілінде оқытатын мектептердегі орыс тілі); Абдульдинов Алан – 7-сынып, №1 «Білім-Инновация» лицей-интернаты (Қазақстан тарихы).
Күміс медаль иегерлері: Қазахбай Әли – 7-сынып, №1 «Білім-Инновация» лицей-интернаты (математика); Мәжит Саян – 8-сынып, №1 «Білім-Инновация» лицей-интернаты (химия); Сахтаберген Ділдә – 8-сынып, Н.Нұрмақов атындағы ММЛИ (география); Жангелді Санжар – 8-сынып, Н.Нұрмақов атындағы ММЛИ (информатика); Михайлов Георгий – 8-сынып, Қарағанды қаласы, №97 гимназиясы (қазақ тілі); Мустафин Рашит – 8-сынып, Шет ауданы, М.Мәметова атындағы ЖББМ (қазақ тілі).
Қола медаль иегерлері: Хабдолда Нұрәділ – 8-сынып, №1 «Білім-Инновация» лицей-интернаты (математика); Вайсбейн Глеб – 7-сынып, «Озат» ақпараттық технологиялар мамандандырылған мектеп-лицейі (химия); Калиев Бекзат – 7-сынып, Қарағанды қаласы, Сләмия Саттаров атындағы мектеп-лицейі (ағылшын тілі); Борисова Майя – 8-сынып, Осакаров ауданы, №9 гимназия базасындағы тірек мектебі (РО) (ағылшын тілі); Джарылғапова Лаура – 7-сынып, Приозерск қаласы, №2 жалпы білім беретін мектебі (орыс тілі мен әдебиеті).
Олимпиаданың командалық қорытындысы бойынша Қарағанды облысының командасы жаратылыстану-математикалық бағыттан – жүлделі екінші орынды, қоғамдық-гуманитарлық бағыттан – үшінші орынды қанжығасына байлап, Сарыарқа өңірінің білім саласындағы биік деңгейін республика көлемінде тағы бір мәрте дәлелдеді. Бұл – біздің өңір үшін ерекше жетістік. Жас дарындардың бұл жеңісі – сапалы білім беру, үздіксіз дайындық, ұстаздар еңбегі мен ата-аналардың қолдауының жемісі.
Соңғы жылдары Қарағанды облысы білім саласында серпінді даму көрсетті. Дарынды оқушыларға арналған мамандандырылған білім беру ұйымдары, пәндік олимпиада орталықтары, кәсіби бағдар және зияткерлік дамыту жобалары осы жетістіктердің негізін қалап отыр. Олимпиада жеңімпаздарын және оларды дайындаған ұстаздарды шын жүректен құттықтаймыз! Бұл жеңіс – тек бастамасы. Қарағандылық жас зияткерлер алдағы уақытта да республикалық, тіпті халықаралық деңгейдегі биік белестерді бағындырарына сеніміміз зор.
Гүлбақыт ЖҮНІСОВА,
Қарағанды облысы білім басқармасының басшысы