Толук метраждуу "Качкын" тасмасы Чебоксары эл аралык кинофестивалынын негизги конкурсунда көрсөтүлдү. Тасма коопсуз миграция жана заманбап кулчулук сыяктуу маанилүү социалдык маселелерди камтыйт.
🎬 Дастан Жапар Рыскелдынын “Качкын” (“Сделка на границе”) аттуу толук метраждуу тасмасы Чувашияда өткөн XVIII Чебоксар эл аралык кинофестивалынын негизги конкурсунда көрсөтүлдү.
🌍 “Качкын” тасмасынын дүйнөлүк премьерасы Түштүк Кореядагы Пусан кинофестивалында болуп өткөн. Андан кийин тасма Германиянын Котбус, Бангладештин Дакка жана башка ири кинофестивалдарда көрсөтүлдү.
🎥 Фильм Лос-Анджелестеги Asian World Film Festival, Казакстандагы Евразия кинофестивалы жана Индиядагы Гоа кинофестивалына да тандалып алынган.
🗣️ Тасма коопсуз миграция жана заманбап кулчулук сыяктуу дүйнө жүзүндөгү миллиондогон адамдар үчүн актуалдуу социалдык маселелерди камтыйт.
🤝 “Качкын” Т.Океев атындагы Кыргызфильм улуттук киностудиясы жана Creative Center & CTR компаниясы тарабынан биргелешип тартылган. Тасмада Абылай Маратов, Омурбек Израилов, Мээрим Атантаева жана башка белгилүү актерлор роль ойношкон. Продюсери Суйум Сулайманова.