Өфөлә Тинькофф Холлдың «Колизео» концерт залы майҙансығында Эшҡыуарлыҡ аҙналығының беренсе көнө сиктәрендә «И поет мне в землянке гармонь...» хәйриә музыкаль кисәһе үтте. Бөйөк Еңеүҙең 80 йыллығына, Ватанды һаҡлаусылар йылына арналған сарала Башҡортостан Хөкүмәте етәкселәре, министрлыҡтар һәм ведомстволар, республиканың эшлекле һәм бизнес берләшмәләре вәкилдәре ҡатнашты. Башҡортостан Республикаһы Хөкүмәте Премьер-министры Андрей Назаровтың сәләмләү һүҙендә билдәләнеүенсә, ил өсөн киҫкен мәлдәрҙә төбәк халҡы Тыуған илен яҡлап сыҡты. Бөйөк Ватан һуғышы барышында Башҡортостанда тыуып үҫкән 229 кеше Советтар Союзы Геройы булып танылды. Һуңынан тағы алты кеше Рәсәй Федерацияһы Геройы исеменә лайыҡ булды, ә 47 кеше Дан ордендарының тулы кавалеры булып танылды. – Беҙҙең көндәрҙә махсус хәрби операция зонаһында күрһәткән батырлыҡтары өсөн 13 яҡташыбыҙ Рәсәй Геройы исеменә лайыҡ булды, – тип өҫтәне Андрей Назаров. Хөкүмәт рәйесе Башҡортостан эшҡыуарҙарының гуманитар конвойҙар ойоштороу барышынд