Бишкек, 26.05.25. Кыргызстандын тышкы иштер министринин орун басары Медер Абакиров Пекинде «Борбор Азия – Кытай» форматындагы жолугушууга катышты. Жолугушууда Борбор Азия мамлекеттеринин Кытай менен ар түрдүү тармактардагы кызматташуусу талкууланды. Абакиров бул форматты аймактын туруктуу өнүгүүсү жана жалпы гүлдөп-өнүгүүсү үчүн стратегиялык курал катары баалады. Ошондой эле, ал Кытайдын тышкы иштер министринин жардамчысы Лю Бин менен жолугушуп, кыргыз-кытай кызматташтыгынын жогорку динамикасын жана темир жол курулушу боюнча пландарды талкуулашты.
🇨🇳 Пекин шаарында Кыргыз Республикасынын тышкы иштер министринин орун басары Медер Абакиров «Борбордук Азия – Кытай» форматындагы тышкы иштер министрлеринин орун басарларынын жолугушуусуна катышты.
🤝 Борбордук Азия өлкөлөрүнүн Кытай менен ар кандай тармактардагы кызматташуусу талкууланды, 2023-жылы Сиань шаарында өткөн биринчи саммиттен бери кызматташуунун активдешүүсү белгиленди.
📅 2025-жылы өтө турган экинчи «Борбордук Азия – Кытай» саммитинин мазмундуу бөлүгүнө өзгөчө көңүл бурулду.
🌍 Медер Абакиров Кыргызстан «Борбордук Азия – Кытай» форматын өз ара ишенимди, коңшулук мамилелерди бекемдөө, туруктуу өнүгүү жана жалпы региондун гүлдөп-өнүгүүсү үчүн натыйжалуу стратегиялык курал катары карай турганын белгиледи.
🚄 Кыргыз-кытай кызматташтыгынын жогорку динамикасы жана 2025-жылга пландар талкууланып, өзгөчө «Кытай – Кыргызстан – Өзбекстан» темир жолун куруу долбоорунун маанилүүлүгү белгиленди.
🌐 Көп тараптуу уюмдар жана платформалар алкагындагы кызматташтык боюнча пикир алмашуу болду.