🎁 25 траўня свой дзень нараджэння за кратамі сустракае гродзенскі актывіст і культурніцкі менеджар Павел Мажэйка
Сёння яму спаўняецца 47 гадоў і гэта ўжо трэці дзень нараджэння, які Павел праводзіць у зняволенні.
Мажэйка нарадзіўся ў Гродне, скончыў ГрДУ імя Янкі Купалы ў 2000 годзе па спецыяльнасці «гісторыя і культаралагічныя дысцыпліны». Працаваў журналістам у гродзенскіх СМІ, быў прэс-сакратаром кандыдата ў прэзідэнты Аляксандра Мілінкевіча, выканаўчым дырэктарам тэлеканала «Белсат».
🦌 Заснаваў у Гродне культурніцкую прастору «Цэнтр гарадскога жыцця» і стаў адным з ініцыятараў выдавецкага праекта «Гарадзенская бібліятэка».
26 сакавіка 2021 года Генпракуратура распачала крымінальную справу супраць Мажэйкі і мастака Алеся Пушкіна за партрэт Яўгена Жыхара, выстаўлены ў «Цэнтры гарадскога жыцця». Паводле абвінавачання, гэта трактавалася як «рэабілітацыя і апраўданне нацызму». Пазней Мажэйку адпусцілі, але пасля вяртання з Польшчы яго ізноў затрымалі.
У ліпені 2023 года суд прысудзіў яму шэсць гадоў калоніі ўзмоцненага рэжыму за «садзейнічанне экстрэмісцкай дзейнасці».
💌 Адрас для лістоў:
ПК № 2, 213800, г. Бабруйск, вул. Сікорскага, 1
Павел Іванавіч Мажэйка
Даведайцеся больш пра Паўла на Hrodna.life:
➡️ https://storage.googleapis.com/hrodna/read.html?page=/www/articles/paval-mazejka/?utm_source=tg
