Стамбулда өткөн эл аралык форумда үй-бүлө институтун бекемдөө боюнча стратегиялар талкууланды. Кыргызстан үй-бүлөлүк баалуулуктарды сактоо демилгелерин колдоп, эл аралык кызматташтыкты кеңейтүүгө чакырды.
🌍 2025-жыл Түркияда үй-бүлө жылы деп жарыялангандыктан, Стамбулда 22-23-май күндөрү эл аралык форум өттү. Бул форумда үй-бүлө институтун бекемдөө боюнча алдыңкы эл аралык тажрыйбаларды ишке ашыруу стратегиялары жана сунуштары талкууланды.
🤝 Кыргызстан эл аралык коомчулук менен тилектештигин билдирип, үй-бүлөлүк баалуулуктарды сактоого жана өнүктүрүүгө багытталган демилгелерди колдоду.
👨👩👧👦 Форумга Кыргызстандын атынан эмгек, социалдык камсыздоо жана миграция министри Равшанбек Сабиров катышып, үй-бүлөгө байланыштуу социалдык саясат боюнча Кыргызстандын позициясын билдирди. Ал салттуу үй-бүлөлүк баалуулуктарды сактоо туруктуу жана ден соолугу чың коомдун негизи экенин баса белгиледи.
📚 Сабиров эл аралык тажрыйба алмашуунун маанилүүлүгүн жана заманбап чакырыктарды чогуу чечүүнүн зарылдыгын белгилеп, Кыргызстан көптөгөн эл аралык милдеттенмелерге катышканын жана тиешелүү келишимдерди ратификациялаганын айтты.
📝 Форумга 26 өлкөнүн министрлери жана тиешелүү ведомстволордун өкүлдөрү катышты. Иш-чаранын жыйынтыгында үй-бүлөнү коргоо жана салттуу баалуулуктарды илгерилетүү багытында эл аралык кызматташтыкты кеңейтүүгө багытталган негизги декларациялар кабыл алынды.