Да дня Перамогі
У вёсках Блеўчыцы, Дзярэчына, Кіявічы, Вострава, Лешня, Філіпавічы, Вераб’евічы, а таксама каля адзіночных пахаванняў ушанавалі памяць воінаў-вызваліцеляў і мірных жыхароў, якія загінулі ад рук нямецкіх захопнікаў (на здымку). У мерапрыемстве прынялі ўдзел працаўнікі сельвыканкама, сферы культуры, ААТ "Ціміразеўскі", вучні і настаўнікі Быстрыцкай СШ.
Адзіны ўрок да Дня сям’і
Каб замацаваць разуменне важнасці сямейных адносін, вучні Быстрыцкай сярэдняй школы абмеркавалі каштоўнасці сям’і: давер, традыцыі, узаемападтрымку. Такое мерапрыемства ўключала ў сябе творчыя заданні і дыскусіі.
Госці з хрысціянскай царквы
Да пастаяльцаў сацыяльнага пансіяната "Ачаг надзеі" прыехалі госці з хрысціянскай царквы "Хрыстос для ўсіх" з г. Салігорск. Яны арганізавалі канцэрт да Дня сям’і, правялі чаяванне і аказалі гуманітарную дапамогу.
Выканалі Дзяржаўны гімн
У Быстрыцкім дзіцячым садзе адзначылі Дзень дзяржаўных сімвалаў Беларусі. Выхаванцы выканалі дзяржаўны гімн, чыталі вершы пра Радзіму, спявалі і танцавалі. Таксама ва ўстанове дашкольнай адукацыі прайшло свята, прысвечанае сям’і: дзеці ўдзельнічалі ў гульнях і творчых заданнях, паказваючы, як важна падтрымліваць блізкіх.
Для камфортнага асяроддзя
На Капыльшчыне працягваецца добраўпарадкаванне населеных пунктаў. Так, у аг. Быстрыца і в. Дзярэчына скасілі траву. Акрамя гэтага, у Быстрыцы і в. Лешня знеслі два пустуючыя дамы. Гэтыя меры спрыяюць стварэнню камфортнага і бяспечнага асяроддзя для жыхароў.
В Блевчицком сельсовете жизнь кипит
