Не тако давно космичны устроі Еуропа Клипер пролетѣше само в 890 километрах над повърхніеіѫ Марса, а іеговы теплоглѧдач снѧше чървену планету в чаровних цвѣтах. Іарки пѧтны, где температура достига 0 градусов Целсіа cѫ червоными, а темни, хладни области (особно северны полус, где -125 градусов) – достижѫт глѫбокаго фіолетоваго цвѣта.
То не іе просто лѣпым снимком ‐ то іе изпытом устроіа E-THEMIS, ктор сѧ корысташе както космична лабораторіа. През 18 хвилин он сотворише вече неж тысѧча снимков, и нынѣ научницы соравніаіѫт их с даными, же сѫ собраными през 20 лѣт глѧданіа Марса абы поразумити же всіе іе добро.
Еуропа Клипер спѣши до Еуропы – таинственому спутнику Іупитера, же има скрыты океан под ледноіѫ короі. Пролетаіѫчи мимо Марса, пробник не само створише наставеніе своіых устроіов, но и корысташе гравитаціу планеты, абы скоректирати пѫті и повысити быстрості дліа достиженіа цѣли си ‐ плыннаго гиганта.
Пробник быше пущен 14 руініа 2024 года на ракетѣ SpaceX Falcon Heavy, минувшы 2,9 миліарда километров пѫти он хте достиже Іупитера, але пред тым хте сотвори новы гравитациіны ход до Земли в 2026 году.