Вьетнамда 68% Telegram каналдары мыйзам бузган деп табылып, мессенджер блоктолду. Бийлик колдонуучулардын маалыматтарын берүүдөн баш тартканы үчүн чара көрдү.
🇻🇳 Вьетнамдын Илим жана технология министрлиги Telegram мессенджерин бөгөттөө чечимин кабыл алды.
🚫 Вьетнам полициясынын маалыматы боюнча, өлкөдөгү 9,6 миң каналдын жана топтун 68% мыйзам бузган.
📉 Мыйзамсыз аракеттер катары алдамчылык, баңги заттарды сатуу жана терроризм көрсөтүлгөн.
📵 Вьетнамдын Технология министрлиги телекоммуникация кызмат көрсөтүүчүлөргө Telegram тиркемесин бөгөттөө тапшырмасын берди, анткени ал колдонуучулардын кылмыштуу аракеттерине каршы күрөштө кызматташуудан баш тарткан.
📅 Документке ылайык, телекоммуникация компаниялары 2-июнга чейин Telegramды бөгөттөп, министрликке отчет бериш керек.
🔍 Министрликтин өкүлү документтин чындык экенин тастыктады жана Telegram Вьетнамга колдонуучулардын маалыматтарын берүүдөн баш тарткандан кийин бөгөт коюлганын билдирди.