Кыргызстанда мыйзамсыз жүргөн чет элдиктер 10-июнга чейин депортациясыз жана айыппулсуз өлкөдөн чыга алышат. Президенттин жарлыгы чет элдиктердин укуктук макамын жөнгө салууну көздөйт.
🇰🇬 Кыргыз Республикасынын аймагында мыйзамсыз жүргөн чет элдик жарандар өлкөнү депортациясыз жана айыпсыз таштап кете алышат. Президенттин Кыргыз Республикасында жүргөн чет элдик жарандардын жана жарандыгы жок адамдардын укуктук абалын жөнгө салуу чаралары боюнча жарлыгына ылайык, чет элдик жарандарга жана жарандыгы жок адамдарга 2025-жылдын 10-июнуна чейин өз укуктук абалын легалдаштыруу мүмкүнчүлүгү берилет.
🛂 Ички иштер министрлигине миграция мыйзамдарын бузган жана жарандыгы жок адамдарды аныктоо боюнча иш-чараларды өткөрүү тапшырылды.
📈 Камчыбек Ташиевдин айтымында, өлкөдөгү коомдук-саясий, социалдык-экономикалык жана криминогендик кырдаалдын турукташканы, кыргыз коомунун ачыктыгы жана сабырдуулугу, билим алуунун арзандыгы жана коррупцияга каршы күрөшүү жаатындагы оң натыйжалар чет элдик жарандардын, анын ичинде туристтердин, студенттердин жана эмгек мигранттарынын санынын көбөйүшүнө алып келди.
👨🎓 2025-жылдын башынан бери Кыргызстанга 61 миң турист, 30 миң студент, 12 миң расмий эмгек мигранты жана башка категориялар боюнча 10 миң адам келген.
🚫 Ошол эле учурда, көптөгөн чет элдиктер жана чакыруучу субъекттер өлкөгө кирүүнүн жагымдуу жана жөнөкөйлөтүлгөн тартибин кыянаттык менен пайдаланып, мыйзамсыз эмгек ишмердүүлүгүн жүргүзүшүүдө.
📄 Кыргыз Республикасында жүргөн чет элдиктерге легалдаштыруу үчүн керектүү документтер: жарактуу паспорт, виза алуу үчүн Тышкы иштер министрлигине, жашап турууга уруксат алуу үчүн Эмгек, социалдык камсыздоо жана миграция министрлигине же ГУ “Кызмат” калкты тейлөө борборлоруна кайрылуу, документтерди тариздөө үчүн негиздерди берүү жана ички иштер органдарынан легалдаштырууга тоскоолдуктар жоктугун тастыктаган кат алуу.
🔍 Жогорудагы документтерди тариздөө процедуралары өзгөргөн жок, демек, арыз берүүчү кызматты белгиленген тартипте алат.