🍰 Ураджэнец Гродзеншчыны і выбітны гродзенскі гісторык адзначае сёння сваё 66-годдзе
Алесь Смалянчук нарадзіўся 23 траўня 1959 года ў вёсцы Казлоўшчына 🪵Дзятлаўскага раёну Гродзенскай вобласці.
📖Доктар гістарычных навук, прафесар Варшаўскага ўніверсітэта, даследчык гісторыі польскага і беларускага рухаў, палітычнай гісторыі Беларусі і памяці пра яе. Аўтар некалькіх кніг і болей за сотню навуковых публікацый. Сярод іх — манаграфія «Паміж краёвасцю і нацыянальнай ідэяй…», якая была прызнаная найлепшай гістарычнай кнігай 2001–2002 гг. паводле Беларускага гістарычнага таварыства.
🎓 Скончыў Гродзенскі дзяржаўны ўніверсітэт імя Янкі Купалы, вучыўся ў аспірантуры Інстытута гісторыі НАН Беларусі, праходзіў стажыроўкі ў Варшаўскім і Ягелонскім універсітэтах. Працаваў у школах, музеях і ВНУ Гродна, быў прафесарам і дырэктарам Інстытута гістарычных даследаванняў ЕГУ, цяпер выкладае ў Варшаве.
🦌 Навуковы кіраўнік праекта «Беларускі архіў вуснай гісторыі», рэдактар гадавіка «Homo Historycus» і альманаха «Горад Святога Губерта», адзін з ініцыятараў праекта «Гарадзенскі Палімпсест».
🎖 Узнагароджаны медалём Рады БНР «100 гадоў БНР» за ўнёсак у гістарычную навуку.
🎂 Віншуем нашага выбітнага гісторыка з Днём нараджэння!
