Бишкекте Саламаттык сактоо министрлиги Евразия өнүктүрүү банкы менен саламаттыкты сактоо системасын санариптештирүү боюнча кызматташтыкты талкуулады. Санариптик долбоорлорду ишке ашыруу жана телемедицина чечимдерин киргизүү пландалууда.
🌐 Кыргызстандын саламаттык сактоо системасын санариптик трансформациялоо боюнча кызматташтыкты бекемдөө максатында маанилүү жолугушуу болуп өттү.
🤝 Эркин Чечейбаев Евразия өнүктүрүү банкынын өкүлдөрүнө санариптик демилгелер фондунун салымын жогору баалап, ЕАЭС алкагында интеграциялык процесстерди санариптик чечимдер жана технологиялар аркылуу илгерилетүүдө маанилүү роль ойноорун белгиледи.
📈 Жолугушууда саламаттык сактоо тармагында санариптик долбоорлорду ишке ашыруу мүмкүнчүлүктөрү талкууланды. Бул долбоорлор техникалык жана каржылык колдоону талап кылган электрондук дары-дармек соода платформасын өнүктүрүү жана телемедициналык чечимдерди интеграциялоону камтыйт.
🏥 Мобилдик диагностикалык комплекттерди колдонуу менен алыскы аймактарда медициналык кызмат көрсөтүүнүн жеткиликтүүлүгүн жана сапатын жогорулатуу максатында ФАПтарга телемедициналык чечимдерди киргизүү пландалууда.
🔗 Жолугушуунун жыйынтыгында тараптар өнөктөштүктү тереңдетүүгө, санариптик демилгелерди биргелешип илгерилетүүгө жана Кыргызстандын саламаттык сактоо системасындагы реформаларды ар тараптуу колдоого даяр экендиктерин билдиришти.