Кыргызстандын Австриядагы элчиси Нуржан Шайлдабекова Максимилиан Хеннигге ишеним грамоталарынын көчүрмөсүн тапшырды. Эки тараптуу кызматташууну бекемдөө максатында мындан аркы биргелешкен долбоорлорду ишке ашырууга даяр экендиктерин билдиришти.
🇰🇬 Кыргызстандын Австриядагы элчиси Нуржан Шайлдабекова 22-майда Австриянын Европа жана эл аралык иштер боюнча федералдык министрлигинин Протокол департаментинин башчысы Максимилиан Хеннигге ишеним грамоталарынын көчүрмөлөрүн тапшырды.
🤝 Эки тарап ортосундагы сүйлөшүүдө Кыргызстан менен Австриянын ортосундагы эки тараптуу кызматташтыктын жогорку деңгээли белгиленди. 2024-жылы Кыргыз Республикасынын Австрияга жогорку деңгээлдеги сапарларынын маанилүүлүгү баса белгиленди.
🔋 Кызматташууну мындан ары күчөтүү жана тоо туризми, энергетика, билим берүү, санариптештирүү сыяктуу тармактарда биргелешкен долбоорлорду ишке ашыруу боюнча даярдык билдирилди.
🎉 Протокол департаментинин башчысы М. Хенниг Нуржан Шайлдабекованы Австриядагы дипломатиялык миссиясынын башталышы менен куттуктап, ишине ийгиликтерди каалады.