Халыкара балаларны яклау көне уңаеннан Кызыл Байрак авыл клубы һәм китапханәсе янындагы мәйданчыкта "Балачак, балачак, син кая йөгерәсең...» дип аталган бәйрәм чарасы узды. Кечкенә катнашучылар зур энтузиазм белән күңел ачу һәм шатлык атмосферасына чумдылар. Балалар дәртле музыка астында уеннарда һәм конкурсларда бик теләп катнаштылар, үзләренең көчләрен, җитезлекләрен, тапкырлыкларын, тизлекләрен һәм зирәклекләрен күрсәттеләр. Бу көн балаларда уңай кәеф тудыруга, аларның иҗади һәм физик сәләтләрен үстерүгә, шулай ук куркынычсызлык һәм кайгыртучанлык хисләрен ныгытуга юнәлдерелгән иде. Бәйрәм чарасы балаларга якыннанрак танышу, аралашу, бәйрәмнең шатлыгын тою өчен менә дигән мөмкинлек булды. Әти-әниләр, үз чиратында, иркен шартларда аралаша, балалары белән бергә уйный алдылар, гаилә һәм дусларча бердәмлек хисләре бүләк иттеләр. Теләге булган һәрбер бала лимонад белән сыйланды һәм һава шарларыннан букетлар җыйды.