Талас облусуна Россиядан 100 меринос породасындагы койлор алынып келет. Бул койлордун жүнү жогорку сапатта, жумшак жана ичке келет. Алардын жүнүн иштетүүчү ишканага 200-250 сомдон сатышат.
🐑 Талас облусуна Россиядан 100 меринос породасындагы койлор алып келинет. Бул тууралуу Кыргыз Республикасынын Суу ресурстары, айыл чарба жана кайра иштетүү өнөр жайы министрлиги билдирди.
✂️ Учурда Молдо Асан айылындагы М. Лущиков атындагы кой чарбасында койлорду кыркуу иштери кызуу жүрүп жатат. Бул чарбада жалпысынан 6 миң меринос породасындагы кой бар.
📈 Январь айында койлордун саны 5 миңди түзгөн. Ар бир кой 64-70% жогорку сапаттагы, 4төн 7 килограммга чейин жүндү берет.
🧶 Меринос породасындагы койлордун жүнү жумшак жана ичке келет. Кыркылып алынган жүн сорттолот, таңгакталып, андан соң жүндү иштетүүчү ишканага 200-250 сомдон килограммына сатылат.
🌿 Бул породадагы койлор Кыргызстандын климаттык шарттарына эң жакшы ыңгайлашкан, тез өсөт, салмак кошот жана жүнүнүн баалуулугу менен айырмаланат.