✝️Арцыбіскуп Кандрусевіч працягвае душпастырскую дзейнасць нягледзячы на цяжкую хваробу
79-гадовы арцыбіскуп эмэрыт Тадэвуш Кандрусевіч, які паходзіць з Гродзеншчыны і доўгі час служыў у Гродне, працягвае актыўнае служэнне нягледзячы на анкалагічнае захворванне з метастазамі.
Іерарх, які ўжо перанёс некалькі курсаў хіміятэрапіі, наведвае парафіі не толькі ў Беларусі, але і за мяжой. Апошняя такая паездка адбылася 27 траўня — ён узначаліў урачыстую Імшу і звярнуўся да беларусаў-католікаў на роднай мове.
Падчас службы арцыбіскуп паведаміў, што яго стан здароўя крыху стабілізаваўся, і цяпер назіраецца рэмісія. Аднак прагнозаў медыкі не даюць. Сам іерарх адзначыў, што далейшы лёс залежыць толькі ад Божай волі.
Беларускі Касцёл заклікае вернікаў працягваць малітвы за арцыбіскупа.
