Бишкек шаарында бүтүрүү экзамендери, салтанаттуу линейкалар жана мугалимдерге белектер үчүн акча чогултууга тыюу салынды. Бул чара билим берүү системасындагы адилеттүүлүктү камсыздоо максатында киргизилди.
🎓 Бишкек шаарынын мэриясы бардык окуучулар үчүн бирдей шарттарды камсыз кылуу жана мүмкүн болгон кыянаттык менен пайдаланууну жана коррупцияны алдын алуу максатында, бүтүрүүчү экзамендерди, окуу жылынын аяктоо салтанаттарын жана мугалимдерге белектерди уюштуруу үчүн акча чогултууну тыюу салды.
📚 Бул чечим билим берүү системасында ачык-айкындыкты жана адилеттүүлүктү камсыз кылуу боюнча мамлекеттик саясатты ишке ашыруу алкагында кабыл алынган. Жаңы нормативдик актыларга ылайык, бүтүрүүчү экзамендерди жана башка иш-чараларды өткөрүү үчүн ата-энелерден жана окуучулардан акча чогултуу кабыл алынгыс деп эсептелет жана катуу көзөмөлдөнөт.
🔍 Бишкек шаарынын мэриясы билим берүү уюмдарынын жетекчилерине мыйзамдарды сактоо жана 2024-2025-окуу жылынын аяктоо иш-чараларын акысыз өткөрүүнү камсыз кылуу зарылдыгын эскертет. Бул талаптардын аткарылышын көзөмөлдөөчү жооптуу органдар тарабынан мектептерде текшерүүлөр жүргүзүлөт.
⚖️ Белгиленген эрежелерди бузгандыгы үчүн административдик чаралар жана тартиптик жоопкерчилик каралган. Бишкек шаарынын мэриясы ата-энелерди, мугалимдерди жана окуучуларды бүтүрүүчү экзамендерди адилеттүү жана ачык-айкын шарттарда өткөрүүгө чакырат.
📱 Ыксыз фактылар аныкталган учурда “Менин шаарым” мобилдик тиркемеси аркылуу, ошондой эле мэриянын Call-борборуна 1840 же 1850 номерлери аркылуу кайрылууга болот.