Мамлекеттик камсыздандыруу уюму 2025-жылдын башынан бери бир катар демилгелерди ишке ашырып, аймактарда камсыздандыруу маданиятын жайылтуу боюнча активдүү иш алып барууда. Эл аралык деңгээлде кызматташуу кеңейип, экспорттук кредиттерди камсыздандыруу боюнча алгачкы улуттук платформа түзүлдү.
🇰🇬 Кыргыз Республикасынын Мамлекеттик камсыздоо уюму 2025-жылдын алгачкы төрт айында туруктуулук, өнөктөштүк жана эл аралык тажрыйба жаатында олуттуу ийгиликтерге жетишти.
📈 Жылдын башынан тартып, Мамлекеттик камсыздоо уюму өлкө боюнча камсыздандыруу маданиятын жайылтуу боюнча активдүү иш алып барууда. Чүй, Ош жана Нарын облустарында чек ара бекеттеринде мобилдик кеңселер ачылып, чет элдик жарандар үчүн камсыздандыруу кызматтары сунушталууда.
🤝 Экспорт саясаты менен камсыздандыруу тыгыз байланышта экендиги белгиленди. Элдик банк менен биргеликте экспорттук кредиттерди камсыздандыруу долбоору ишке киргизилди, бул Кыргызстандын экспорттук тобокелдиктерин камсыздандыруу боюнча биринчи улуттук платформа болуп калды.
🌍 Эл аралык деңгээлде да активдүү иш алып барылууда. Казакстандын KazakhExport уюму менен тажрыйба алмашуу жана Ташкенттеги эл аралык форумга катышуу аркылуу дүйнөлүк компаниялар менен байланыштар түзүлдү.
💰 Январь-апрель айларында Мамлекеттик камсыздоо уюму 179 камсыздандыруу окуясы боюнча 25 миллион сомдон ашуун төлөмдөрдү жүргүздү.
🗣 Жарандардын камсыздандыруу боюнча маалымдуулугун жогорулатуу боюнча аракеттер көрүлүүдө. Бул багытта ГАИ, ӨКМ жана жергиликтүү өз алдынча башкаруу органдары менен биргеликте түшүндүрүү иштери жүргүзүлүүдө. Бишкек жана башка облустарда комплекстүү маалыматтык иштер жүргүзүлүүдө.