Արմավիրի մարզի Մերձավան գյուղի դպրոցի տնօրենը, որն աջակցել էր պատմության ուսուցչի դեմ գործադուլին, կազատվի աշպատանքից, հայտնել է ԿԳՄՍ նախարարությունը։ Ըստ հաղորդագրության՝ դպչոցում նոր տնօրենի պաշտոնակատար կնշանակվի։
«Մերձավանի միջնակարգ դպրոցը կգտնվի հատուկ մշտադիտարկման ներքո՝ առկա բոլոր խնդիրներն ուսումնասիրելու և անհրաժեշտ քայլեր ձեռնարկելու համար, քանի որ արձանագրված միջադեպը վկայում է դպրոցում արմատացած խորքային և բազմաշերտ խնդիրների մասին»,- ասված է հայտարարության մեջ։
Մայիսի 13-ին աշակերտները, որոշ ծնողներ ու ուսուցիչներ դասադուլ էին հայտարարել պատմության ուսուցիչ Ռոզա Դավթյանի դեմ, որն ըստ նրանց, անպատշաճ վարքագիծ է դրսևորել, վիրավորել է աշակերտներին և ուսուցիչներին, ինչպես նաև անընդունելի հայտարարություններ է արել արցախցիների մասին։
Նորություններին հետևեք մեր կայքում, ինչպես նաև Telegram-ում և YouTube-ում