Башҡортостан һалдаттары махсус хәрби операцияла ҡаһарманлыҡтар күрһәтеүен, дошманды сигендереүен дауам итә. Мәҫәлән, Мәсетле районынан "Батша" позывнойлы яугирға дәүләт наградаһы тапшырылған. Мәсетле районы хакимиәте башлығы Әнис Әсәҙуллин белдереүенсә, "Батша" кеүек батыр йөрәклеләр булғанда, Рәсәйгә бер дошман да инә алмаясаҡ, күгебеҙ һәр саҡ аяҙ буласаҡ. Беҙгә хәбәр итеүҙәренсә, яҡташыбыҙға Рәсәй Оборона министрлығының юғары наградаһы – Суворов миҙалы тапшырылған. – "Батша" менән сикһеҙ ғорурланабыҙ, ул ысын ил һаҡсыһы, – тип һөйләнеләр Мәсетле районының Йонос ауыл советы хакимиәтенән. – Ғөмүмән, беҙҙең яҡ егеттәре батыр ҙа, һиҙгер ҙә һәм тырыш булыуҙары менән дә ныҡ ҡына айырылып тора, бурыстарына етди ҡарауҙарын телгә алыу артыҡ. Арыҫлан йөрәкле яҡташыбыҙҙың яҡын туғандары менән дә аралаштыҡ. "Ул мәктәптә тик "биш" билдәләренә генә уҡыған, спорт менән даими шөғөлләнгән, үҙенең ошо күркәм сифаттары менән бүтәндәргә өлгө ролен үтәгән, улай ғына ла түгел, үҙенең артынан эйәрткән. – Һ