Энергияны үнөмдөөчү имараттарга өтүү Кыргызстандагы кышкы электр энергиясынын таңкыстыгын жоюуга жардам берет. Энергияны үнөмдөөчү класстагы имараттар электр энергиясын 2 млрд кВт саатка үнөмдөй алат.
⚡️ Энергоэффективдүү имараттарга өтүү кыш мезгилиндеги электр энергиясынын жетишсиздигин компенсациялай алат.
🏠 Кыргызстандагы имараттардын 50-60%ы “В” класстагы энергоэффективдүүлүккө ээ болсо, кышында 2 млрд кВт/саат электр энергиясын үнөмдөөгө мүмкүнчүлүк түзүлмөк.
💡 Бишкектеги 50 объектке жүргүзүлгөн энергоаудиттин негизинде жаңы имараттарда энергияны үнөмдөө 80%га жетсе, мурда курулган жана жылууланган имараттарда бул көрсөткүч 40%га чейин жеткен.
📉 Энергоэффективдүү имараттарга ээ болуу менен мүлк салыгы эки эсе азаят, бул болсо кыймылсыз мүлк ээлери үчүн экономикалык стимул болуп саналат.
🏗️ Кыргызстанда 2011-жылдан тарта “Имараттардын энергоэффективдүүлүгү жөнүндө” мыйзам иштеп жатат, ал эми 2024-жылдын ноябрынан тарта “Энергияны үнөмдөө жөнүндө” мыйзамга өзгөртүүлөр киргизилген.
🔍 Энергосертификаттардын жетишсиздиги жана курулуш буму өлкөдө көйгөй жаратууда, жыл сайын 10 миңге жакын жаңы имарат курулат.
🎯 Бишкек жана Ош шаарларында өткөрүлүп жаткан конференциянын максаты – Кыргызстандын энергетикалык коопсуздугун бекемдөө жана экономиканын энергия сыйымдуулугун азайтуу боюнча стратегиялык милдеттерди аткарууга көмөк көрсөтүү.