Кыргызстанда жазгы талаа жумуштары 80,6% аянтта аткарылып, 562,1 миң гектар жерге дан, тоют жана жашылча өсүмдүктөрү себилди. Айыл чарба министрлиги агротехникалык чараларды көрүп, заманбап технологияларды киргизүүгө өзгөчө көңүл бурууда.
🌱 Кыргызстанда жазгы талаа иштеринин 80,6% аяктады.
🌾 Буудай 97,4 миң гектар аянтка себилип, өткөн жылга салыштырмалуу 5 миң гектарга көбөйгөн.
🌿 Арпа 202,2 миң гектар аянтка себилген, бул өткөн жылга караганда 1,7 миң гектарга көп.
🌽 Жүгөрү 92,3 миң гектар аянтта себилген.
🥔 Картошка 44 миң гектар аянтка отургузулуп, өткөн жылга салыштырмалуу 4,2 миң гектарга көбөйгөн.
🥕 Жашылча-жемиштердин аянты 39,4 миң гектарга жеткен.
🍉 Бахча өсүмдүктөрү 8,3 миң гектарды түзөт, бул өткөн жылга салыштырмалуу 1,23 миң гектарга көп.
🌻 Май өсүмдүктөрү 12,1 миң гектар аянтка себилген.
🍬 Чүй жана Талас облустарында кант кызылчасы 12,54 миң гектар аянтта өстүрүлүүдө.
🔍 Айыл чарба министрлиги себүү иштеринин өз убагында жана сапаттуу аякташы үчүн бардык агротехникалык чараларды көрүп жатат.