🤬Караеў: Грошы на канцэрт Паліны Гагарынай у Гродне ўзялі з прыватнага бізнесу
На словы старшыні Гродзенскага аблвыканкама звярнула ўвагу @nashaniva.
9 траўня ў Гродне мясцовыя ўлады арганізавалі выступ расійскай спявачкі Паліны Гагарынай. У сацсетках і нават у газеце «Гродзенская праўда» адзначалася, што некаторыя карыстальнікі крытычна паставіліся да маштабнасці імпрэзы і задаліся пытаннем: адкуль грошы на такі канцэрт?
На каментарыі ў сацсетках адказаў Караеў:
«Мы бачылі каментары пад ролікамі з канцэрта Паліны Гагарынай. Шмат было станоўчых водгукаў. Некаторыя з'едліва пыталіся, колькі з абласнога бюджэту паляцела грошай.
Адказваю — ніколькі. Сродкі па аплаце канцэрта паступілі ад прыстойных спонсараў з прыватнага бізнесу. Трэба гэта разумець, што ў падаткаплацельшчыкаў мы ні рубля на Паліну Гагарыну або на нейкі іншы канцэрт не ўзялі.
Некаторыя меркавалі, што яна спявала бясплатна. Бясплатна ніхто не спявае, адразу кажу. Але трэба разумець, што кіраўніцтва вобласці і горада з бюджэту на гэта грошай не траціць»,
— сказаў Караеў.
