Башгидромет мәғлүмәттәре буйынса, 13, 14, 15 майҙа ҡыҫҡа ваҡытлы, әммә йәшенле яуым-төшөм көтөлә. 13 майҙа республиканың көнсығыш өлөшөндә яуым-төшөм, төндә йәшенләп ямғыр яуа тип фаразлана. Ел төньяҡ-көнсығыштан, урыны менән киҫкен. Һауа температураһы төндә +5...+10 градус, көндөҙ +17...+22 градусҡаса йылыта, айырым таулы райондарҙа +12. 14 майҙа ҡыҫҡа ваҡытлы йәшенле ямғыр яуа. Ел төньяҡ-көнсығыштан, йәшен мәлендә көслө булып китә. Һауа температураһы төндә +12, көндөҙ +22 градусҡа етә. 15 майҙа һауа торошонда әллә ни үҙгәрештәр булмай. Шулай уҡ йәшенле ямғыр яуыуы көтөлә. Төньяҡ-көнсығыштан иҫкән ел яйлап көнбайышҡа күсә. Һауа температураһы төндә +10...+15, көндөҙ +15, +20 градус. Ләйсән Үтәғолова фотоһы.