🩺 250 гадоў таму была заснаваная Гродзенская медыцынская акадэмія
🏭 12 траўня 1775 года ў Гродне, з ініцыятывы Антоніа Тызенгаўза, пачала працаваць медыцынская акадэмія — у спецыяльна збудаваным трохпавярховым будынку.
🇫🇷Кіраўніком установы стаў вядомы французскі лекар і вучоны-натураліст Жан Эмануэль Жылібер.
Акадэмія мела тры аддзяленні:
— падрыхтоўка «сучасных урачоў для гарадоў» (10 навучэнцаў),
— правінцыяльныя лекары і хірургі (20 навучэнцаў),
— аддзяленне павітух (спачатку 5, пазней 17 навучэнак).
Навучэнцы атрымлівалі стыпендыі з дзяржаўнага бюджэту і пасля выпуску мусілі адпрацаваць у каралеўскіх уладаннях — Брэсцкім, Гродзенскім, Оліцкім і Шавельскім. Выкладанне мела акадэмічны ўзровень. У калектыве былі 5 выкладчыкаў, 2 фельчары і акушэрка.
Пры акадэміі дзейнічалі:
— шпіталь на 60 ложкаў,
— анатамічны тэатр,
— музей і кабінет прыродазнаўства,
— аптэка і бібліятэка,
— батанічны сад — першы на тэрыторыі Беларусі і ўсёй Рэчы Паспалітай.
Жылібер падтрымліваў сувязі з Расійскай акадэміяй навук. У 1778 годзе ён паведаміў пра першы выпуск — 12 лекараў. Але пасля зняцця Тызенгаўза з пасады гродзенскага старосты (1780), Жылібер разам з вучнямі пераехаў у Вільню. На базе гродзенскай школы ў 1781 годзе быў створаны медыцынскі факультэт Віленскага ўніверсітэта.
🎨 Будынак медыцынскай акадэміі, малюнак Напалеона Орды.
Глядзіце таксама:
Чаму ў Гродзенскай медыцынскай акадэміі не хацелі вучыцца?
